Այս պահին Սիրիայում Հայաստանի դեսպանատունը ճշտում է` արդյոք Դամասկոսի ահաբեկչությունից տուժածների թվում կան Հայաստանի քաղաքացիներ կամ ազգությամբ հայեր: Այս մասին NEWS.am-ին հաղորդել է Հայաստանի ԱԳՆ մամուլի ծառայության պետ Տիգրան Բադալյանը:
Ինչպես ավելի վաղ հաղորդվել էր, Սիրիայի մայրաքաղաք Դամասկոսում մարտի 17-ին հերթական կրկնակի ահաբեկչությունն է կատարվել. Երկու ականապատ ավտոմեքենաներ պայթել են անվտանգության կառավարական ուժերի շենքի մոտ: Կան զոհեր եւ վիրավորներ: