Ռուսաստանի վարչապետ եւ ընտրված նախագահ Վլադիմիր Պուտինը շնորհակալական հեռագիր է ուղարկել ՀՀ վարչապետ Տիգրան Սարգսյանին, որում ասված է.
«Հարգելի Տիգրան Սուրենի,
Սրտանց շնորհակալ եմ Ռուսաստանի դաշնության նախագահի պաշտոնում ընտրվելու կապակցությամբ ինձ հղած Ձեր ջերմ շնորհավորանքի համար:
Համոզված եմ, որ Ռուսաստանի եւ Հայաստանի բազմակողմ ու փոխշահավետ հարաբերությունները, հիմնված ռազմավարական գործընկերության սկզբունքների վրա, հետագայում եւս կշարունակեն դինամիկ զարգանալ ի բարօրություն մեր երկու ժողովուրդների եւ ի շահ Անդրկովկասում անվտանգության ու կայունության ամրապնդման:
Հարգարժան Տիգրան Սուրենի, սրտանց մաղթում եմ Ձեզ քաջառողջություն, երջանկություն եւ նորանոր հաջողություններ»:
