Գլենդելում Գարեգին Գալստյանը մարտի 31-ին ձերբակալվել է ոստիկանին վրաերթ անելու փորձի համար:
Ոստիկանության սպան նկատել է Գալստյանի մեքենան, հիշել, որ նրա հետ գործ է ունեցել հերոինի օգտագործման գործով եւ որոշել է ստուգել մեքենան: Ոստիկանի խոսքով, երբ ինքը մոտեցել է մեքենային, 27-ամյա Գալստյանը միացրել է մեքենայի շարժիչն ու քշել իր վրա: Գալստյանը մեքենան կանգնեցրել է ոստիկանի առջեւ, վերջինս վնասվածքներ չի ստացել:
Տղամարդը կարողացել է փախուստի դիմել, սակայն ավելի ուշ ձերբակալել են հարձակման եւ ենթադրաբար մետամֆետամինի ու հերոինի օգտագործման համար:
