Ադրբեջանը եւ Ռուսաստանը ձգտում են բազմաթիվ խնդիրների լուծում գտնել եւ բազմիցս ապացուցել են դիրքորոշումների սերտությունը ոչ միայն երկկողմ ձեւաչափով, այլեւ միջազգային ասպարեզում: Այս մասին, այսօր` ապրիլի 3-ին, Բաքվում հայտարարել է Ռուսաստանի արտգործնախարար Սերգեյ Լավրովը:
«Իմ այժմյան այցը Բաքու լավ հնարավորություն է տեսնել համագործակցության գործնական զարգացումը»,-ասել է նա:
Ըստ նախարարի` երկու երկրների նախագահների ղեկավարության ներքո գործարկվել էր հումանիտար համաժողովի նախագիծ, որը հաջող կերպով իրականացվում է:
Ղարաբաղյան խնդրի վերաբերյալ Լավրովը նշել է, որ Ռուսաստանը շահագրգռված է դրա լուծման հարցում եւ հանդես է գալիս տարածաշրջանում բնակվող մարդկանց շահերից, հաղորդում է ադրբեջանական Trend գործակալությունը:
«Մենք բոլորս էլ ուզում ենք կարգավորման գործընթացն արագացնել եւ լրացուցիչ ջանքեր կգործադրենք, որպեսզի այն չձգձգվի», - նշել է Լավրովը:
