Աշխարհահռչակ կիթառահար, Grammy-ի մրցանակակիր Թոմ Մորելոն ներկայացրել է «The World Wide Rebel Tour» կոչվող նոր նախագիծը` փաստագրական ֆիլմ, որը պատմում է երգչի ստեղծագործական կյանքի մասին: Նախագծում ընդգրկված են ֆիլմերի 42 տարբերակներ, որոնք արված են տարբեր երկրների, այդ թվում` Հայաստանի համար:
Յուրաքանչյուր սերիայում երաժիշտը պատասխանում է տվյալ երկրի համար հատուկ ընտրված հարցերին: Հայաստանի մասին ֆիլմում հարցերը նրան ուղղում է «System of a Down» խմբի երաժիշտ Սերժ Թանգյանը:
Նշենք, որ Մորելոն Թանգյանի հետ սոցիալական արդարության համար պայքարող «Axis of Justice» (Արդարության առանցք) ոչ կառավարական կազմակերպության հիմնադիրներից են:
«Հայոց ցեղասպանության ճանաչման հարցը կարեւոր է կազմակերպության համար, քանի որ պատմության մոռացումը հանգեցնում է դրա կրկնության: Մեր կազմակերպության կարեւոր նպատակներից մեկը Հայոց ցեղասպանության մասին իրազեկմանն աջակցությունն է»,-ասել է Մորելոն: