Չինաստանը 2015թ. վերջին պետք է մոտենա տղաների եւ աղջիկների ծնելիության հավասարակշռմանը:  Իր առջեւ նման խնդիր է դրել ՉԺՀ-ում նորածինների թվաքանակում սեռային անհամամասնության դեմ պայքարի հարցերով համաչինական աշխատանքային խորհրդաժողովը, հաղորդում է «Գոլոս Ռոսիին»:

Մասնակիցները քննարկել են ներկայիս իրավիճակը շտկելուն ուղղված հարցեր. ներկայումս լույս աշխարհ եկող 100 աղջիկներին բաժին է ընկնում  120–130 տղա: Նման միտումների պահպանման դեպքում 2020 թ-ին Չինաստանում 24 մլն տղամարդ հարսնացու չի կարող գտնել:Նման իրավիճակի հանգեցրել է մեկ երեխայի քաղաքականությունը. ծնողները նախապատվությունը տվել են տղաներին: