Աֆղանստանում առեւանգված շվեյցարական Medair առաքելության աշխատակիցները ազատ են արձակվել: Նրանց ազատման գործողությունն իրականացրել են Աֆղանստանի եւ ՆԱՏՕ-ի զինված ուժերը:
Ինչպես հայտնել է Հյուսիսային Աֆղանստանում անվտանգության ուժերի ներկայացուցիչ Լալ Մոհամեդ Ահմադզայը, մարդասիրական առաքելության երկու աշխատակիցներ եւ երեք աֆղաններ ազատ են արձակվել հունիսի 1-ի երեկոյան հատուկ գործողության արդյունքում, Շահրբուզուրգ քաղաքում (Բադախշան նահանգ): Նրանք բոլորն էլ ողջ-առողջ են:
Գործողության ընթացքում սպանվել է հինգ առեւանգիչ: Առեւանգիչները հարձակվել էին նրանց վրա, երբ նրանք ճանապարհորդում էին էշերով: