«Բլից հարցազրույցներ ԱԺ պատգամավորների հետ» շարքի շրջանակներում NEWS.am-ը ներկայացնում է իր հերթական հարցազրույցը: Այս անգամ զրուցել ենք «Հանրապետական» խմբակցության պատգամավոր Հայկ Գրիգորյանի հետ:
Ո՞վ եք դուք:
Մարդ, որը պատրաստ է ծառայել հայրենիքին եւ հայ ազգին:
Ձեր առավելությունը եւ թերությունը:
Առավելությունս վճռական լինելն է, իսկ թերությունս` բարությունը:
Կարգախոս:
Հաղթանակը միասնության մեջ է:
Ամենամեծ պարտությունը:
Պարտություններ չեմ ունեցել:
Ամենամեծ հաղթանակը:
Որ կարողանում եմ իմ գործունեությամբ լինել օգտակար:
Ամենաուրախ օրը:
Դեռ առջեւում է` առաջնեկիս ծնունդը:
Ձեր մասին ամենաանհեթեթ առասպելը:
Վերջերս մամուլում հայտնվեց, որ ուզում եմ Սահմանադրությունում փոփոխություններ անելու եւ իբր ես չգիտեմ, որ Սահմանադրությունը փոփոխվում է հանրաքվեով:
Անելանելի իրավիճակ:
Անելանելի իրավիճակներ դեռ չեմ ունեցել, որովհետեւ շատ ճիշտ կարողանում եմ կողմնորոշվել, շատ վճռական եմ ու կարողանում եմ ստույգ որոշումներ կայացնել տվյալ պահի համար:
Չար կատակ:
Երբ ընդունվել էի համալսարան, այդ ժամանակ ցուցակները կախել էին, եղբայրս զանգեց եւ ասաց, որ իմ անունը չկա, եւ ես դուրս եմ մնացել:
Պարտականություններ:
Ընտանիքիս, հասարակության, հայրենիքիս հանդեպ:
Պատասխանատվություն:
Մեծ:
Ինչո՞ւմ եք ձեզ ամենաշատը մեղադրում:
Որ դեռ չեմ այցելել Արեւմտյան Հայաստան եւ չեմ բարձրացել Արարատի գագաթը:
Ձեր կյանքի ամենամեծ սխալը:
Դեռ չեմ գործել, անսխալ մարդ չի լինում, բայց մեծ սխալ չեմ գործել եւ հուսով եմ, որ չեմ էլ գործի:
Ի՞նչ ասել եւ չասել:
Չի կարելի ասել Veni, vidi, vici (Եկա, տեսա, հաղթեցի-NEWS.am), իսկ կարելի է ասել` գեղեցկությունը կփրկի աշխարհը:
Ի՞նչ անել եւ չանել:
Չանել այն, ինչ արգելում է օրենքը, իսկ անել այն, ինչ թույլատրվում է:
Սիրում եք...
Անւշուշտ, բնության մեջ չկա մի արարած, որ չսիրի:
Լռում եք...
Իհարկե, հարմար պահերի լռում եմ:
Խղճում եք...
Խիղճը մարդու այն զգացումն է, որ կոփում է հենց իրեն, իր հոգին:
Զղջում եք...
Զղջում եմ չարածի համար, արածի համար չեմ զղջում:
Հիասթափվում եք...
Հիասթափվում եմ ստից, սուտ խոստումներից, անարդարությունից, չար մարդկանցից:
Հուզվում եք...
Հուզվում եմ, երբ լսում եմ, որ Հայաստանի տնտեսությունը ավելի է զարգանում, իսկ մեր մարզիկները, հատկապես` ֆուտբոլի հավաքականը, նորանոր հաջողություններ են գրանցում, ինչը դրական երեւույթ է:
Ատում եք...
Ատում եմ սուտը:
Ստում եք...
Աշխատում եմ ընդհանրապես չստել, որովհետեւ տղամարդուն հարիր չէ ստել:
Հավատում եք...
Հավատում եմ եւ ապրում եմ հավատքով:
Ուզում եք...
Ուզում եմ, որ հայրենիքս էլ ավելի զարգանա, որ իմ ժողովուրդը լինի էլ ավելի բարեկեցիկ, որ ցանկացած հայի դեմքին բարի ժպիտ լինի:
Դժգոհում եք...
Դժգոհելու առիթներ շատ կան:
Գովերգում եք...
Ինչպես եւ մյուս բանաստեղծները:
Նախանձում եք:
Ոչ, աշխատում եմ նախանձով ընդհանրապես չապրել, որովհետեւ դա կործանարար երեւույթ է:
Կյանքում ծեծել եւ ծեծվե՞լ եք:
Չեմ հիշում, անկեղծ ասած:
Դժվար պահերին ո՞վ ձեզ օգնում:
Ընտանիքս է միշտ կողքիս:
Առաջին սիրո խոստովանություն:
Խիստ անձնական է:
Անցած սերեր:
Իհարկե կան, բայց կարեւորում եմ ներկայիս սերը` կնոջս:
Ամենամեծ սերը:
Կինս:
Կանայք:
Ինչպես ասել է Շառլ Բոդլերը` կինը երջանկության հրավեր է:
Երկնքից երեք խնձոր է ընկնում…
Մեկը` մորս, մյուսը` հորս, երրորդը`կնոջս:
Լավագույն ժպիտը:
Մորս ժպիտը:
Լավագույն խոսքը:
Լավություն արա ու ջուրը գցի:
Լավագույն երազանքը:
Որ Հայաստանը լինի աշխարհի ամենազարգացած երկիրը:
Լավագույն դերը կամ դիմակը:
Զորո:
Լավագույն մարդը:
Իմ համար լավագույն մարդ չկա, իդեալ չկա:
Ի՞նչը կփրկեր կյանքում հերոսին, թե չլիներ կինն ու գինին:
Օղին:
Ծխախոտ, խմիչք, մոլախաղեր եւ կանայք:
Չեմ ծխում ընդհանրապես: Ինչպես ցանկացած տղամարդ, նախընտրում եմ հայկական կոնյակ, կանայք էլ, ինչպես Սստվածաշնչում է գրված, ստեղծվել է տղամարոդւ կողից: Ցանկացած տղամարդու կողքին պետք է լինի կին կամ կանայք: Չեմ սիրում մոլախաղեր, բայց սիրում եմ խաղալ շաշկի:
Նշենք, որ 28-ամյա Հայկ Գրիգորյանը ԱԺ-ի ամենաերիտասարդ պատգամավորն է, ամուսնացած է եւ շուտով կծնվի նրա առաջնեկը: Նա ավարտել է Գորիսի պետական համալսարան, մանկավարժ է, մինչ թիվ 37 ընտրատարածքից պատգամավոր ընտրվելը աշխատել է Գորիսի թիվ 4 ավագ դպրոցում,
Ավելի վաղ NEWS.am-ը ներկայացրել էր հարցազրույց ԱԺ ՀՀԿ խմբակցության պատգամավոր Արփինե Հովհաննիսյանի, Լեւոն Մարտիրոսյանի, Նաիրա Կարապետյանի, ԲՀԿ խմբակցության պատգամավոր Տիգրան Ուրիխանյանի, Էլինար Վարդանյանի, ՀԱԿ խմբակցությունից Լյումդիլա Սարգսյանի, «Ժառանգությունից»` Ռուբեն Հակոբյանի հետ:
Շարքը` Ինգա Մարտինյանի