Հայաստանի Զինված ուժերի ավագ սպաների համար բացվել է ռուսաց լեզվի ինտենսիվ դասընթացներ: Այս մասին հայտնում է «Ռուսաց լեզուն արտասահմանում» կայքը:
Դասընթացները նախատեսված են` Միասնական անվտանգություն գործակալության պայմանագրի շրջանակներում իրականացվող «Համագործակցություն-2012» համատեղ ուսումնավարժանքներին մասնակցող սպաների համար:
Բացելով դասընթացները` Պաշտպանության նախարարության Կադրերի կառավարման ու զինվորական կրթության վարչության պետ, գնդապետ Մհեր Շիրինյանը իր երախտագիտությունն է հայտնել Հայաստանում Ռոսսոտրուդնիչեստվոյի ներկայացուցչին` Հայաստանի Զինված ուժերի սպաների եւ զինվորական հաստատությունների ուսանողների ռուսաց լեզվի իմացության մակարդակի բարձրացման հարցում ցուցաբերած համագործակցության համար: Նրա կարծիքով, Հայաստանի եւ Ռուսաստանի բանակների զինվորական համագործակցության հարցում ռուսաց լեզուն կարեւոր գործիք է: Սպաների համար ռուսաց լեզվի դասընթացները կվարի ուսուցիչ-ռուսագետ Սվետլանա Նալբանդյանը: