«Հրապարակ» թերթը գրում է. «Oրերս մեծ աղմուկ հանած «խոպանչիների հարկում» անվանումն ստացած շահութահարկի եւ եկամտահարկի մասին օրինագիծը, պարզվում է՝ այնքան էլ օդից չի բերվել խորհրդարան, դրա տակ կոնկրետ պայմանավորվածություններ եւ կոնկրետ թվեր կան՝ ռուսաստանահայ մոտ 100 կազմակերպությունների, այդ թվում՝ Սամվել Կարապետյանին, Ռուբեն Վարդանյանին, Արա Աբրահամյանին պատկանող, որոնք այստեղից շինարարական ուժ-կազմակերպություններ կտանեն Ռուսաստան՝ գրանցելով իրենց կազմակերպությունները Հայաստանում, նախ՝ որ ավելի էժան հարկեր մուծելու հնարավորություն ունենան, եւ ապա՝ կարողանան բարձրացնել Հովիկ Աբրահամյանի օրոք «ցածրացած» տնտեսությունը, լցնել դատարկված գանձանակը:

Ընդ որում, «հրահանգը» տրված է խորհրդարանի դիմացի մայթից՝ Բաղրամյան 26-ից, որն էլ «անձամբ» է պայմանավորվել թե «ռուսահայերի», թե Ռուսաստանի հետ, քանզի ԵՏՄ-ական Ռուսիայի համար դրանք «մելկի» թվեր են, իսկ Հայաստանի համար՝ էական, տեղեկացրեց մեր աղբյուրը»:

Առավել մանրամասն՝ թերթի այսօրվա համարում