«Հրապարակ» թերթի տեղեկություններով, Ռուսաստանը, որը մինչ այս վերջնական «ադաբրյամս» չէր տվել ՀՀ սահմանադրական բարեփոխումներին՝ հաշվի առնելով ԵԱՏՄ ակումբում բացառապես նախագահական կառավարման կարեւորությունը, վերջին օրերին խնդիրը թողել է Հայաստանին: «Չնայած վերջին օրերի զարգացումները մեծ հարցականի տակ դրեցին այդ փոփոխությունների հնարավորությունը»,- արձանագրեց մեր զրուցակից՝ անվտանգության նախկին բարձրաստիճան պաշտոնյան:
Օրվա ընթացքում վերջինիս էին զանգահարում ՀՀ-ում հավատարմագրված տարբեր դեսպաններ, որոնք փորձում են հասկանալ թե Սահմաեադրության, թե սակագնի, թե վերջին միտինգներում տեղի ունեցածի առնչությամբ ՀՀ իշխանությունների դիրքորոշումը. «Իսկ մեր ԱԳՆ-ն ձկան նման լուռ է, բանն այն է, որ իրենց երկրներին ուղարկվող զեկույցներին սույն դեսպանները պետք է կցեն նաեւ հայաստանյան պաշտոնական տեսակետը եւս, որը գոնե 2 օր է, չկա»: Սա նշանակում է, որ դեսպանատներն ու նրանց հետեւում կանգնած երկրները փորձում են հասկանալ, թե ինչ մոտեցում դրսեւորեն Հայաստանում վերջին օրերին ստեղծված վիճակի նկատմամբ»:
Առավել մանրամասն՝ թերթի այսօրվա համարում