«Ժամանակ» թերթը գրում է. «Մեր տեղեկություններով՝ նախօրեին Աբովյան փողոցում ազատամարտիկ Սմբատ Հակոբյանին ծեծի ենթարկելու կասկածանքով ոստիկանության բաժին բերման ենթարկված Տիգրանը ՀՖՖ նախագահ Ռուբեն Հայրապետյանի սանիկն է։
Ի դեպ, նախօրեին Ս. Հակոբյանն ասել էր, որ ճանաչել էր իրեն ծեծողներին՝ որեւէ անուն չհրապարակելով, իսկ երեկ հայտնել էր, որ իրեն ծեծողներից մեկը ՀՖՖ նախագահ Ռուբեն Հայրապետյանի թիկնազորից է եղել, անունը՝ Տիգրան։
Նշենք, որ Ս. Հակոբյանին ծեծի ենթարկելու փաստով հարուցել է քրեական գործ՝ ՀՀ քր.օր.–ի 113-րդ հոդվածի 2-րդ մասի 3-րդ կետով։ Ս. Հակոբյանը ճանաչվել է որպես տուժող»:
Առավել մանրամասն՝ թերթի այսօրվա համարում