«Հրապարակ» թերթը գրում է. «Գյումրիում լարված մթնոլորտ է ստեղծվել Սամվել Բալասանյանի եւ որոշ ՀՀԿ-ականների միջեւ։ Մարզից ընտրված պատգամավոր Արման Սահակյանն ու Սուքիաս Ավետիսյանը որոշել են ձեռքերը լվանալ, քանի որ Բալասանյանն իրեն «ճիշտ» չի պահում՝ գլուխ է գովում, որ ավագանու ցուցակի վերին հորիզոնականներում իր մարդիկ են, եւ հենց նրանց շնորհիվ էլ ինքը վերընտրվելու է։
ՀՀԿ-ականներն էլ վրդովված են այդ հանգամանքից ու մատը մատին չեն խփում։ Երեկ Սուքիաս Ավետիսյանը չհերքեց լարվածության փաստը։ Մեր հարցին՝ ՀՀԿ-ն Գյումրիում միասնակա՞ն է, աջակցո՞ւմ է Բալասանյանին, պատասխանեց. «ՀՀԿ մարզային խորհուրդն իր որոշումը կայացրել է, եւ բնական է, որ իր որոշման տերն է ու սատարում է իր թեկնածուներին»։
Սակայն խոստովանեց․ «Այո, խնդիր եղել է շրջանային կառույցների հետ քննարկելու փուլում, դժգոհություններ եղել են ցուցակների հետ կապված, ավելի ճիշտ՝ տեղերի հետ կապված, բայց դժգոհությունները կապ չունեն, ՀՀԿ-ի թիմն ամբողջությամբ ներգրավված է այդ գործի մեջ»։
Առավել մանրամասն՝ թերթի այսօրվա համարում
