«Չորրորդ ինքնիշխանություն»-ը գրում է. «Երեւանի քաղաքապետարանին պատկանող «erebuni-yerevan.am» կայքէջից ջնջվել են Էրեբունի-Երեւան տոնակատարության հետ կապված այն բոլոր նկարներն ու նյութերը, որտեղ ներկա է Երեւանի նախկին քաղաքապետ Գագիկ Բեգլարյանը, ում նախաձեռնությամբ էլ հոկտեմբերին կայացավ տոնախմբությունը:
«ՉԻ»-ի տեղեկություններով, կայքէջից նյութերը ջնջվել-հանվել են անձամբ Երեւանի քաղաքապետ Կարեն Կարապետյանի հրահանգից հետո: Ի դեպ, երիտասարդների որոշ խումբ Ֆեյսբուք սոցիալական ցանցում տեղեկություններ է տարածել, որ իրենց նախաձեռնությամբ եւ ջանքերով ստեղծվել է նոր «erebuni-yerevan.am» «ալտերնատիվ կայք», որտեղ տոնակատարության բոլոր նյութերը վերականգնված են»: