Թերթը գրում է, որ ամերիկյան դատարանը, քննելով Հայոց ցեղասպանության զոհերի երեք ամերիկահայ ժառանգների հայցն ընդդեմ Թուրքիայի Հանրապետության, Թուրքիայի կենտրոնական բանկի եւ «Ziraat» բանկի, 21 օր է տվել պատասխանող կողմին` արձագանքելու հայցադիմումին:
Ինչպես տեղեկացրել է «Վարդգես Եղիայան եւ փաստաբանական խումբ» գրասենյակի ղեկավար Վարդգես Եղիայանը, հայցը ներկայացրել են երեք ամերիկահայեր` Ալեքս Բաքալյանը, Անաիս Հարությունյանը, Ռիտա Մահտեսյանը, որոնք պահանջում են 64 միլիոն դոլար սեփականության փոխհատուցում: Հայցը կապված է Ինջիրլիքի տարածքի հետ, որը 1951 թվականից ծառայում է որպես ՆԱՏՕ/ԱՄՆ օդուժի բազա: