Թերթն անդրադառնում է ԱՄՆ նախագահ Բարաք Օբամայի որոշմանը` Հայաստանում ԱՄՆ դեսպանի պաշտոնում առաջադրել ՆԱՏՕ-ում ԱՄՆ առաքելության ղեկավարի տեղակալ Ջոն Հեֆֆերնին:
«Հայկական համատեքստում, իհարկե, նախ հետաքրքրական է, որ Հայաստանում նշանակում է ստանում ասիական հարցերով մասնագիտացած դիվանագետ, սակայն առավել հետաքրքրական է ԱՄՆ Ներկայացուցիչների պալատում Հեֆֆերնի փորձառության եռամյա շրջանը, երբ նա աշխատել է որպես կոնգրեսական Բիրեյտրի օգնական:
Բիրեյտրը հայտնի թուրքամետ կոնգրեսական է եղել` իր երկարաձիգ պաշտոնավարության ընթացքում դեմ արտահայտվելով ու նաեւ քվեարկելով Հայոց ցեղասպանության` Կոնգրեսի տարբեր մակարդակներում քվեարկության դրված օրինագծերին»,- գրում է «Ազգը»:
