Չնայած այն բանին, որ նախապես խոսվում էր, որ ԵԽԽՎ Մոնիտորինգի հանձնաժողովի Հայաստանի հարցով համազեկուցողները Հայաստանին վերաբերող իրենց զեկույցը կհրապարակեն այս տարվա սեպտեմբերին, երեկ հայտնի դարձավ, որ զեկույցը հրապարակվելու է հոկտեմբերին:
Այս մասին «ՉԻ»-ին փոխանցել են Հայաստանի հարցով համազեկուցող Աքսել Ֆիշերի գրասենյակից: «Չի բացառվում, որ ժամկետների այս փոփոխությունը կապված է ընդդիմություն-իշխանություն մեկնարկած երկխոսության հետ, քանի որ, հիշեցնենք` ընդդիմությունը իշխանություններին արտահերթ ընտրություններ ակցնացնելու հարցում կողմնորոշվելու ժամանակ էր տվել հենց մինչեւ սեպտեմբեր: Չի բացառվում, որ համանախագահները կսպասեն, թե ինչ ընթացք կունենա երկխոսությունը, որպեսզի ըստ այդմ էլ կազմեն իրենց զեկույցը»,-նկատում է թերթը: