Թերթը գրում է, թե Թուրքիայի սոցիալական եւ ընտանիքի հարցերով նախարար Ֆաթմա Շահինը հայտարարել է, որ հնարավոր չէ անձնագիր եւ կրթություն ստանալու թույլտվություն տալ Թուրքիայում անլեգալ բնակվող հայերի այն երեխաներին, որոնք ծնվել են այդ երկրում:
Թուրքական իշխանությունները հայ էմիգրանտների երեխաների հաշվառման եւ կրթության հարցերով ծրագիր են մշակում, եւ այդ նպատակով արդեն համապատասխան մեխանիզմներ են գործի դրվել:
«Չնայած այն բանին, որ Թուրքիայի կրթության նախարարությունն ընթացիկ ուսումնական տարում հայ երեխաներին թույլատրել է հյուրի կարգավիճակով հաճախել հայկական դպրոցներ, բայց դա հարցի լուծում չէ, քանի որ մոտ 1000 երեխա կանգնած է նման խնդրի առաջ»,- հայտնել են թուրքական լրատվամիջոցները։
