Կայքի շարժական տարբերակն արդեն հասանելի է. ՓՈՐՁԵՔ ԱՅՆx

Արխիվ

Partner News

«Ժողովուրդ». Եզդիները «հարցի արդարացի լուծում» են պահանջում

Օգոստոս 09, 2012

Երեկ եզդիների մարզային կոմիտեների ղեկավարները եզդիների միության փոխնախագահ Գոգո Ասոյանի հետ միասին դիմում-առաջարկ են ներկայացրել ՀՀ կառավարություն, որով պահանջում են աղջիկների համար ամուսնության նվազագույն շեմ համարել 16 տարեկանը։ Այդ մասին գրում է «Ժողովուրդ» թերթը:

««Գոնե աղջիկների համար 16, իսկ տղաների համար 17 սահմանեն։ Մեր ավանդույթներն են այդ պահանջում, մեր օրենքն է այդպիսին»,- ասաց նա։ Ու եթե կառավարությունը եզդիների դիմումը մերժի, ապա նրանք բողոքի ակցիաներ կկազմակերպեն եւ կպահանջեն «հարցի արդարացի լուծում»:

Հիշեցնենք, որ 2012-ի հուլիսի 13-ին «ՀՀ ընտանեկան օրենսգրքում փոփոխություն կատարելու մասին» օրինագծին գործադիրը հավանություն էր տվել, որով կանանց եւ տղամարդկանց համար սահմանվում է ամուսնության միեւնույն տարիքը՝18 տարեկանը։ Օրենքի մեջ կատարվող փոփոխության անհրաժեշտությունը պայմանավորված է տղամարդկանց եւ կանանց միջեւ գենդերային հավասարություն ապահովելու պահանջով»,- գրում է «Ժողովուրդը»:


Լուրեր Հայաստանից - NEWS.am