«Հրապարակը» գրում է, որ Գյումրիի գործող քաղաքապետ Վարդան Ղուկասյանը կենթարկվի նախագահ Սերժ Սարգսյանի հորդորին եւ չի առաջադրվի:
«Ինչպես ավելի վաղ գրել էինք, Ղուկասյանի հույսն այն էր, որ ՌԴ նախագահ Վլադիմիր Պուտինը պետք է կազակների միջնորդությամբ իր համար բարեխոսեր Սերժ Սարգսյանի մոտ, եւ վերջինս փոխեր իր որոշումը:
Սակայն օգոստոսի 8-ին կայացած Սարգսյան-Պուտին հանդիպման օրակարգում Գյումրիում կայանալիք քաղաքապետի ընտրությունների հարցն ընդգրկված չի եղել, եւ Ղուկասյանը հասկացել է, որ Հյուսիսից եւս օգնություն չի կարելի ակնկալել: Այսօր առաջադրումների վերջին օրն է, սակայն չենք կարծում, որ այս որոշումը փոփոխության կենթարկվի»:
