«Գաֆեսճյան» քանդակների պարտեզում տեղադրված նոր քանդակը ակնհայտորեն դուր չի եկել երեւանցիներին, որոնք արդեն քանի օր է դժգոհում ու բողոքում են, ավելին՝ պահանջում. «Էդ տկլոր կնկան հանեք ըտեղից, մեզ մենակ էդ անբարոյականն էր պակասում»։ Այդ մասին գրում է «Հայոց աշխարհ» թերթը։
Ֆերնանդո Բոտերոյի «Ծխող կինը» մոնումենտալ քանդակը հանգրվանել է կոլումբիացի քանդակագործի մյուս աշխատանքների՝ «Կատվի» ու «Հռոմեացի զինվորի» կողքին։ Փորի վրա պառկած՝ անհոգ ծխում է, դինջ փռվել է ու քամահրանքով նայում է աշխարհին։ Մեր մեջ ասած՝ ճիշտ էլ անում է»,- գրում է «Հայոց աշխարհը»:
