Ամանորյա տոները խոչընդոտներ չե՞ն ստեղծի՝ թեկնածուների առաջադրման եւ փաստաթղթերի հետ կապված։ Այս հարցը «Հայոց աշխարհ» թերթն ուղղել է ԿԸՀ նախագահ Տիգրան Մուկուչյանին։
«Պատասխանելով մեր այս հարցին՝ ԿԸՀ նախագահ Տիգրան Մուկուչյանը երեկ նշեց. «Առաջադրումները սկսվում են դեկտեմբերի 25-ին, առաջադրման հայտերը ներկայացնելու վերջնաժամկետը հունվարի 4-ն է, սակայն, նկատի ունենալով, որ ԸՕ-ով սահմանված բոլոր ժամկետները օրացույցային ժամկետներ են եւ չեն կարող տեղաշարժվել՝ տոնական օրերով պայմանավորված, Կենտրոնական ընտրական հանձնաժողովը կգործի նաեւ տոնական օրերին։
Եթե որեւէ մեկը որոշի ոչ թե դեկտեմբերին առաջադրվել, այլ, ենթադրենք, հունվարի 1-ին, ապա փաստաթղթերը հանձնելու հետ կապված որեւէ խնդիր չի ունենա»»,- մեջբերում է «Հայոց աշխարհը»։