Սպասումը, որ սեպտեմբերի 21-ին Հայաստանի հանրապետության Անկախության տոնի առիթով նախագահ Սերժ Սարգսյանը համաներում կհայտարարի, կարծես, չիրականացավ:
Այս մասին գրում է «168 ժամը» եւ հավելում. «Համաներմանը հատկապես սպասում են ՔԿՀ-ում գտնվող փոքր պատժաչափերով ՔԿՀ-ներում գտնվող կալանավորներն ու նրանց ընտանիքի անդամները: ՀՀԿ-ին մոտ կանգնած մեր աղբյուրները վստահեցնում են, որ համաներում անպայման լինելու է, եւ այն սպասվում է հոկտեմբերի կեսերին: Համաներման օրը գաղտնի է պահվում, բայց ենթադրվում է, որ համաներում հայտարարելու մասին նախագահի առաջարկը խորհրդարան կբերվի հաջորդ քառօրյային»,- գրում է «168 ժամը» (Մանրամասները՝ թերթի այսօրվա համարում):
