Այս տարի օգոստոսին արտերկրներից Հայաստան փոխանցվող տրանսֆերտների (ՀՀ բանկերի միջոցով ֆիզիկական անձանց անունով փոխանցումներ) ծավալը հուլիսի համեմատ նվազել է: Այս մասին գրում է «168 ժամը» եւ հավելում. «Ըստ ԿԲ-ի հրապարակած տվյալների, օգոստոսին փոխանցվել է 197 մլն 270 հազար դոլար՝ հուլիսի 203 մլն 685 հազար դոլարի փոխարեն: Այն դեպքում, երբ նախորդ մի քանի տարվա ընթացքում հուլիս-օգոստոսին տրանսֆերտների ծավալն աճում էր:
Միաժամանակ, տարեկան կտրվածքով որոշակի ավելացում է արձանագրվել՝ 2013-ի օգոստոսին 2012-ի օգոստոսի համեմատ՝ տրանսֆերտներն ավելացել են 8 տոկոսով»,- գրում է «168 ժամը» (Մանրամասները՝ թերթի այսօրվա համարում):
