Դեկտեմբերի 7-ին լրանում է 1988թ. Սպիտակի երկրաշարժի 25-րդ տարելիցը։ Այս կապակցությամբ «Հայոց աշխարհ» օրաթերթը զրուցել է Հայաստանի սեյսմիկ պաշտպանության ազգային ծառայության գործակալության պետ Հրաչյա Պետրոսյանի հետ։ Վերջինս, մասնավորապես, հայտնել է, որ  Երեւանին առավել մոտ են երկու սեյսմիկ օջախներ։ «Մեկը Փարաքարի օջախն է, մյուսը՝ Գառնիի։ Փարաքարի օջախը բարեբախտաբար թույլ սեյսմիկ ներուժ ունի։ Նույնը չի կարելի ասել Գառնիի սեյսմիկ օջախի մասին։ Մեզ համար առավել վտանգավոր գոտի է Գառնին: Եթե Գառնիում 8-9 բալ ուժգնությամբ երկարաշարժ լինի` Երեւանում լուրջ հետեւանքներ կլինեն»:

Առավել մանրամասն՝ թերթի այսօրվա համարում