«Ժողովուրդ» թերթը գրում է. «Սերժ Սարգսյանի հետ Սեուլում գտնվող ԱԺ նախագահ Հովիկ Աբրահամյանը Հայաստան վերադառնալուն պես կրկին կճամփորդի։ ԱԺ նախագահն առաջիկայում Ամենայն հայոց կաթողիկոս Գարեգին Երկրորդի հետ պատրաստվում է մեկնել Արաբական Միացյալ Էմիրություններ։
Լավատեղյակ աղբյուրներից հայտնի դարձավ, որ նրանք մեկնելու են արաբ շեյխերից մեկի հրավերով։ Ու քանի որ այդ շեյխի ֆինանսավորմամբ հայկական եկեղեցի է կառուցվել, ուստի ԱԺ նախագահն ու կաթողիկոսը իրենց պարտքն են համարել չմերժել հրավերը։ Հիշեցնենք, որ ԱՄԷ-ում ՀՀ դեսպանը Հովիկ Աբրահամյանի ընկերն է՝ ԱԺ աշխատակազմի նախկին ղեկավար Գեղամ Ղարիբջանյանը»։
Առավել մանրամասն` թերթի այսօրվա համարում