«Ժամանակ» թերթը գրում է. «Վերջին շրջանում ՀՀ-ից արտագաղթի հիմնական հոսքը ոչ միայն ՌԴ եւ եվրոպական որոշ երկրներ է, այլեւ դեպի հարեւան Թուրքիա, որտեղ նույնիսկ գործում է հայաստանցի երեխաների համար նախատեսված Հրանտ Դինքի անվան դպրոց։
Դպրոցի հիմնադիր Հերիքնազ Ավագյանը «Ժամանակի» հետ զրույցում հաստատեց, որ վերջին շրջանում ՀՀ-ից մեծ հոսք է նկատվում դեպի Թուրքիա։ Նրա խոսքով՝ դրա մասին է վկայում դպրոցում հայ աշակերտների օրեցօր ավելացող թիվը։ «Ցավալին այն է, որ վերջին շրջանում հայերն արդեն ընտանիքներով են գալիս»,- ասաց տիկին Ավագյանը»։
Առավել մանրամասն` թերթի այսօրվա համարում
