«Հայկական ժամանակ» թերթը գրում է. «Խորհրդարանական ոչ իշխանական չորս ուժերը, որոնք այսօր որոշում են կայացնելու ԱԺ-ում վարչապետին անվստահություն հայտնելու գործընթաց սկսելու հարցի վերաբերյալ, վարչապետի սեփական թեկնածու չունեն։ Համենայնդեպս մեր թղթակցի հետ զրույցում հրաժարվել են կոնկրետ անուններ շրջանառել։
Ինքը՝ գործող վարչապետ Տիգրան Սարգսյանը, մեր հարցին՝ ինչպես է վերաբերվում իրեն անվստահություն հայտնելու այս գործընթացին, երեկ իր մամուլի խոսնակ Հարություն Բերբերյանի միջոցով փոխանցեն հետեւյալը. «Առաջին անգամ չէ, երբ ընդդիմությունը փորձում է օգտագործել այդ գործիքը, ինչը նրանց իրավունքն է»։
Նա, ինչպես երեւում է, անհավանական է համարում խորհրդարանական չորս ուժերի համախմբումը տվյալ հարցի շուրջ։
Բայց ինչպես ասում են՝ երբեք մի ասա երբեք։ Թեեւ երեկվա դրությամբ առավելությունը կարծես թե վարչապետի կողմն էր»։
Առավել մանրամասն` թերթի այսօրվա համարում