«Ժամանակ» թերթը գրում է. «Բելառուսի նախագահ Ալեքսանդր Լուկաշենկոյի ու ԲՀԿ առաջնորդ Գագիկ Ծառուկյանի հարաբերությունները ազդել են Հայաստան-Բելառուս հարաբերությունների վրա, այն աստիճան, որ Հայաստանում աննախադեպ բան է սպասվում։
Օտարերկրյա դեսպանատունը Երեւանից կուղարկվի Կոտայքի մարզի Առինջ գյուղ։ ԱԳ նախարար Էդվարդ Նալբանդյանը կառավարության նիստում նախագիծ է ներկայացնելու՝ առաջարկելով հողատարածք տրամադրելու թույլտվություն տալ Բելառուսի Հանրապետությանը՝ Կոտայքի մարզի Առինջ գյուղում։ Հայտնի է, որ Կոտայքի մարզի Առինջ գյուղում է բնակվում ԲՀԿ առաջնորդ Գագիկ Ծառուկյանը, եւ այնտեղ են գտնվում Ծառուկյանի երկու տները։
Հայտնի է նաեւ, որ Բելառուսի նախագահ Ալեքսանդր Լուկաշենկոյի եւ ԲՀԿ առաջնորդ Գագիկ Ծառուկյանի հարաբերությունները բավական ջերմ են, Բատկայի հետ նրանք մոտ են ընտանիքներով»:
Առավել մանրամասն` թերթի այսօրվա համարում
