«Հրապարակը» գրում է. «Երեկ Երեւանում կայացավ Դոնեցկում սպանված գործարար Ռոբերտ Մելոյանի թաղման արարողությունը: Ինչպես հայտնի է, Ռոբերտ Մելոյանի դին ոստիկանները հայտնաբերել էին Կազյոնի Տորեց գետում, Դոնեցկի մարզում:
Ըստ Ուկրաինայի ՆԳ նախարարության, Դոնեցկի զինյալ անջատողականները պահանջել են, որ Մելոյանն իրենց ֆինանսավորի, բայց վերջինս հրաժարվել է եւ սարսափելի խոշտանգումներից հետո սպանվել:
Սակայն Դոնեցկի իրավապահները նրան համարում էին քրեական հեղինակություն: Մելոյանին ճանաչող հայ գործարարները պնդում են, որ նա կարգին տղա էր եւ մեծ հարստության տեր»:
