«Ժամանակ» թերթը գրում է. «Երեկ մենք տոնում էինք, իսկ ի՞նչ ենք անելու այսօր։ Այսօր՝ բառի հենց բուն իմաստով, քանի որ Սերժ Սարգսյանը մեկնեց Աստանա, որտեղ մասնակցելու է մաքսային եռյակի հանդիպմանը, այսինքն՝ չորրորդն է լինելու։ Այսօր Աստանայում կարող են տեղի ունենալ Հայաստանի համար բեկումնային իրադարձություններ, ինչպես 1920 թ. նոյեմբերի 29-ին, երբ 11-րդ Կարմիր բանակը մտավ Հայաստան։

Հիմա Հայաստանը կարող է մտնել Եվրասիական միություն։ Թեեւ մտնելու հարցը պայմանական է՝ Հայաստանն արդեն մտած է այդ միություն, քանի որ Եվրասիական միություն ասվածը ֆորմատ չէ, Եվրասիական միություն ասվածը արժեհամակարգ է, կացութաձեւ, աշխարհայացք։ Եվ այդ ամենում Հայաստանն արդեն առկա է։

Հայաստանի հասարակությանն անհրաժեշտ է կատարել իրավիճակի խորքային գնահատում, խորքային ընկալում, անհրաժեշտ է հասկանալ խնդրի արմատները՝ որտե՞ղ են դրանք, ո՞ւր են ճյուղավորվում, ինչքա՞ն են տարածված, որտեղի՞ց են սնուցվում։ Սա իսկապես ահռելի եւ ծանր աշխատանք է, պահանջում է հսկայական ջանք ու նվիրում։

Անհրաժեշտ է համակարգային պայքար, քանի որ կայսրությունը, գաղութացման քաղաքականությունը իրականացվում է համակարգով»:

Առավել մանրամասն` թերթի այսօրվա համարում