«Առավոտ» թերթը գրում է. «Այսօր վերելակի, աղբի, ջրի խողովակի, անգամ «չուլանի» հարցով մեր քաղաքացիները դիմում են հանրապետության նախագահին։ Տարրական հարց է առաջանում, թե ինչի եւ ում համար են գործում հարկատուներից սնվող տեղական ինքնակառավարման մարմինները, որոնց բուն գործառույթը բնակչի խնդիրներով զբաղվելն է։ Շատ քաղաքացիներ իրենց այս կամ այն կենցաղային հարցով այսօր չեն էլ փորձում դիմել համատիրություն, թաղապետարան կամ քաղաքապետարան եւ ուղիղ նամակ են գրում նախագահին։ Նախագահականից էլ նոր միայն մարդկանց դիմումներն ուղարկում են ստորին օղակներ։ Այսինքն՝ մեր երկրում դիմումներն ուղղելու ճիշտ հակառակ ընթացակարգ է գործում կամ էլ քաղաքացիները հետեւում են նախագահ Սերժ Սարգսյանի համոզմունքին՝ «պետք է գլխից բռնել»»։
Առավել մանրամասն` թերթի այսօրվա համարում
