«Հայկական ժամանակ» թերթը գրում է. «ՀՀ կառավարությանը մոտ կանգնած աղբյուրները վկայում են, թե մութ ամպեր են կուտակվում էկոնոմիկայի նախարար Կարեն Ճշմարիտյանի գլխին։ Ըստ այդմ՝ բավական մեծ է հավանականությունը, որ առաջիկայում նա պաշտոնանկ կարվի։
Թե ինչի՞ հետ է կապված սա, միանշանակ դժվար է ասել։ Մի քանի փաստ, սակայն, մտորելու տեղիք է տալիս։ Ճշմարիտյանը ՀՀ նախագահի նստավայրում Ռոբերտ Քոչարյանի պաշտոնավարության գրեթե ողջ ընթացքում նախարարական պաշտոն է ունեցել եւ այդ կարգավիճակը կորցրել է 2007 թ., երբ վարչապետ է դարձել Սերժ Սարգսյանը։ 2007-ին եւ 2012-ին պատգամավոր է դարձել ՀՀԿ համամասնական ցուցակով։ 2014-ին Հովիկ Աբրահամյանի կառավարությունում զբաղեցնում է էկոնոմիկայի նախարարի պաշտոնը եւ այս նպատակով վայր դնում պատգամավորական մանդատը։ Ոմանք պնդում են, թե Սարգսյանը այս նպատակով էլ Ճշմարիտյանին նախարար է նշանակել, որ հետագայում աննկատ հեռացնի իշխանական «կռուգից»։ Ասենք նաեւ, որ Սերժ Սարգսյանը երեկ ստորագրել է Արմեն Գեւորգյանին փոխվարչապետի եւ տարածքային կառավարման նախարարի պաշտոնից ազատելու մասին հրամանագիրը»։
Առավել մանրամասն՝ թերթի այսօրվա համարում
