«Հրապարակ» թերթը գրում է. «Մեր տեղեկություններով, նոյեմբերի 4-6-ը Ղազախստանի մայրաքաղաք Աստանայում տեղի է ունեցել ԱՊՀ երկրների Ազգային անվտանգության մարմինների ղեկավարների սիմվոլիկ՝ 37-րդ նիստը, որի օրակարգում բավականին «ծանր» հարցեր են ներառված եղել՝ «ահաբեկչական ինտերնացիոնալի» գրոհայինների, հավաքագրողների, քարոզիչների դեմ պայքարի, կոնսպիրատիվ բանդաների ցանց ստեղծող մասնագետների ԱՊՀ մուտքը կանխարգելող հարցերից մինչեւ գլոբալ սպառնալիքների դեմ «միասնական պայքարի» հարցեր: ՀՀ պատվիրակությունը ղեկավարել է ոչ թե ԱԱԾ տնօրենը, այլ ԱԱԾ վարչություններից մեկի պետի տեղակալ-փոխգնդապետ, ինչն էլ, ըստ մեր աղբյուրի, շարժել է ՌԴ Անվտանգության դաշնային ծառայության տնօրեն, գեներալ Ա. Բորտնիկովի «հետաքրքրությունը»:

Ըստ ամենայնի, Գ. Հակոբյանին հակացուցված է ինքնաթիռով թռչելը՝ տեղեկացրեց մեր աղբյուրը: ՀՀ-ի ԵՏՄ անդամ դառնալու, ինչպես նաեւ «միասնական» ԵՏՄ-ական ԱԱԾ «մարմին» ստեղծելու այս իրավիճակը «չի բացառում», որ ներքին գործերի նախարարության ստեղծումը, որով միանում են ԱԱԾ եւ ոստիկանության համապատասխան կառույցները, գարնանը նախատեսվածի փոխարեն ավելի վաղ տեղի ունենա: Ավելին, պնդումներ կան, որ հնարավոր է կառավարության առաջիկա նիստերից մեկում այդ հարցը լսվի, կառուցվածքը հաստատվի եւ մինչեւ Նոր տարի՝ ԱԺ արտահերթերից մեկի ժամանակ, «վավերացվի» խորհրդարանի կողմից՝ հատուկ ընթացակարգով»:

Առավել մանրամասն՝ թերթի այսօրվա համարում