«Յունիբանկը» բարձրացրել է ոչ ռեզիդենտ ֆիզիկական եւ իրավաբանական անձանց համար նախատեսված «Էքսկլյուզիվ» ժամկետային ավանդի տարեկան տոկոսադրույքները: Այդ մասին NEWS.am-ին հայտնեցին Բանկի հասարակայնության հետ կապերի ծառայությունից: Այսուհետ «Էքսկլյուզիվ» ավանդը կարելի է ձեւակերպել 13% տարեկան տոկոսադրույքով ՀՀ դրամի դեպքում, 8%` ԱՄՆ դոլարի, 6.7%` եվրոյի եւ 6.5% ռուսական ռուբլու դեպքում: Ավանդի նվազագույն գումարը կազմում է 30 հազար դրամ, 100 դոլար/եվրո կամ 3 000 ռուբլի:
Գումարը կարելի է ավանդադրել ինչպես երկարատեւ ժամկետով, այնպես էլ 3 ամսով: Ավանդատուին հնարավորություն է տրվում ընտրելու տոկոսագումարի ստացման տարբերակը` ամեն ամիս կամ ավանդի գործողության ժամկետի վերջում:
Ռեզիդենտ ֆիզիկական եւ իրավաբանական անձանց «Յունիբանկն» առաջարկում է ավանդների լայն տեսականի նույնպես բարձր եկամտաբերությամբ` մինչեւ 13%: Հաճախորդները, կախված ավանդների պայմաններից, կարող են օգտվել մուլթիարժութային ռեժիմից, իրականացնել տոկոսների կապիտալիզացիա, համալրել կամ մասնակի ետ կանչել ավանդի գումարը:
