Հարավային Օսիայի նախագահի թեկնածու, հանրապետության ՊԱԿ-ի նախկին ղեկավար Լեոնիդ Տիբիլովի շտաբը պնդում է, որ ընտրություններում առաջատարը Տիբիլովն է:
Հարավային Օսիայում այսօր` ապրիլի 8-ին տեղի է ունեցել նախագահական կրկնակի ընտրությունների երկրորդ փուլը: Այս փուլում մրցում էին Հարավային Օսիայի ՊԱԿ-ի նախկին ղեկավար Լեոնիդ Տիբիլովը, ով առաջին փուլում ստացել էր ընտրողների ձայների 42,48%-ը, եւ հանրապետության նախագահին կից մարդու իրավունքերի պաշտպանության հարցերով լիազոր ներկայացուցիչ Դավիդ Սանակոեւը, որին առաջին փուլում աջակցել էր քաղաքացիների 24,58%-ը:
Ժամը 18:00-ի տվյալներով` քվեարկությանը մասնակցել է ընտրողների 63,31% -ը:
Առաջին փուլը կայացել էր մարտի 25 –ին: