Բելառուսի արտաքին գործերի նախարար Սերգեյ Մարտինովը կայցելի Հայաստան ապրիլի երկրորդ կեսին։ Ինչպես այս մասին NEWS.am-ին տեղեկացրեց դիվանագիտական տեղեկատվությանը քաջատեղյակ աղբյուրը, այցի շրջանակում նախատեսված են հանդիպումներ Հայաստանի նախագահ Սերժ Սարգսյանի, Արտաքին գործերի նախարար Էդվարդ Նալբանդյանի հետ։ Այցի ընթացքում քննարկվելու են երկկողմ եւ բազմակողմ հարաբերությունների լայն շրջանակ։

Հիշեցնենք նաեւ, որ Բելառուսը նաեւ Հավաքական անվտանգության պայմանագրի կազմակերպության անդամ պետություն է։