Թուրքիայի «Դատավորների եւ դատախազների բարձրագույն խորդի» (HSYK) փոխնախագահ Ահմեդ Համսիջին լրագրողների հետ հանդիման ժամանակ Հրանտ Դինքի սպանության գործով դատավարության ուսումնասիրության զեկույցից մի քանի մանրամասն է հայտնել:
Թուրքական Haberturk-ի փոխանցմամբ` Ահմեդ Համսիջին հայտնել է, թե Հրանտ Դինքի սպանության գործը քննող Ստամբուլի ծանր հանցագործությունների գծով 14-րդ դատարանի նախագահ Ռուսթեմ Էրյըլմազի եւ հանրապետական դատախազ Հիքմեթ Ուսթայի դեմ կարգապահական հետաքննություն է սկսվել:
HSYK-ի փոխնախագահը շեշտել է, թե Դինքի սպանության գործով դատավորի եւ դատախազի դեմ հետաքննությունը սկսվել է մամուլում նրանց հայտարարությունների հիման վրա: Ահմեդ Հասիմջին հիշեցրել է դատավորի. «չեմ կարող ասել, թե Դինքի սպանության մեջ հանցախումբ չկա, բայց…» եւ դատախազի. «հանցախումբ էլ կա, փաստեր էլ ու մի բան էլ ավել, ուղղակի դատարանը դրանք չի ուսումնասիրել» արտահայտությունները:
