Թուրքիայի արտակարգ իրավիճակների վարչության տարածած հայտարարության մեջ նշվել է, որ ապրիլի 13-14-ին 449 սիրիացիներ իրենց ցանկությամբ վերադարձել են Սիրիա։
Թուրքական Zaman-ի փոխանցմամբ՝ նշվել է նաեւ որ ապրիլի 13-ին եւ 14-ին Թուրքիա է մտել ըդամենը 67 սիրիացի։
«Այս պահի դրությամբ Թուրքիայում են գտնվում 23 հազար 892 սիրիացիներ, 7 հազար 277-ը՝ Հաթայում, 5 հազար 787-ը՝ Գազիանթեփում, 9 հազար 207-ը՝ Քիլիսում եւ 1626-ը՝ Շանլըուրֆայում։ Նրանցից 79-ը գտնվում են հիվանդանոցներում»,-նշվել է հայտարարության մեջ։
Նշենք, որ Սիրիայի իշխանությունները եւ ընդդիմությունն ընդունել են Անանի ծրագիրը եւ ապրիլի 12-ից զինադադար են հաստատել։