Երեւանում, այսօր` ապրիլի 18-ին, բացվել է մեծահարուստ նավթարդյունաբերող եւ մեկենաս Ալեքսանդր Մանթաշյանցի հուշարձանը:
Բացման արարողությանը ներկա էին Երեւանի քաղաքապետ Տարոն Մարգարյանը, վարչապետ Տիգրան Սարգսյանը, սփյուռքի նախարար Հրանուշ Հակոբյանը եւ այլ պաշտոնական անձինք:
Արարողության ժամանակ հիշատակվեց նախագծի մեջ ներդրում ունեցած մարդկանց, այդ թվում բարերար Վահագն Հովնանյանի անունը:
Հուշարձանի հեղինակն է Հայաստանի վաստակավոր քանդակագոր Տիգրան Արզումանյանը:
Բարերար-մեկենասի թոռ Ալեքսանդր Մանթաշովն իր կարճ խոսքում հիշեց իր հոր պատմությունները պապի մասին, որի մեծագույն երազանքը հայ ժողովրդի բարգավաճումն էր:
