Դեռ Քենեդին է ասել. «Մի հարցրեք, թե ինչ կարող է անել երկիրը Ձեզ համար, ավելի լավ է հարցրեք, թե ինքներդ ինչ եք արել երկրի համար». այ սա պետք է այսօր հասկանան հայերը: Այս մասին ARTN-SHANT հեռուստաընկերության Corner հաղորդման հարցազրույցում հայտարարել է աշխարհահռչակ ֆրանսիացի շանսոնյե, Շվեյցարիայում Հայաստանի դեսպան Շառլ Ազնավուրը, ով այժմ գտնվում է Լոս Անջելեսում:
«Թող յուրաքանչյուր հայ ամեն ամիս տա այնքան, որքան կարող է: Թող տա 5 դոլար: մենք այստեղ 2 մլն հայ ունենք, ինչքան կստացվի, եթե ամեն մեկը 5 դոլար տա: Քանի՞ դպրոց կարող ենք նորոգել»,-նկատել է Ազնավուրը:
