Հայոց ցեղասպանությունը Ֆրանսիայի պատմության մի մասն է: Այս մասին այսօր` ապրիլի 24-ին, Ծիծեռնակաբերդի հուշահամալիր այցելության ժամանակ, լրագրողների հետ զրույցում ասաց Հայաստանում ֆրանսիայի դեսպան Անրի Ռենոն:
Նրա խոսքով, Հայաստանը եւ Ֆրանսիան սերտ կապեր ունեն դրա համար էլ Ֆրանսիան օրենքով ճանաչել է Հայոց ցեղասպանությունը: Նա նաեւ փոխանցեց, որ ներկայումս Ֆրանսիայում կա 500 հազարանոց հայկական սփյուռք, որը ձեւավորվել է Հայոց ցեղասպանության հետեւանքով:
