Հայ համայնքը գրեթե կասկած չուներ, որ այս անգամ էլ Օբաման Հայոց ցեղասանությունը համապատասխան եզրույթով չի անվանելու եւ պատմական իրողությանը ճիշտ գնահատական չի տալու: Այդ մասին NEWS.am-ի թղթակցի հետ զրույցում ասաց «Բարգավաճ Հայաստան» կուսակցության պատգամավոր Նաիրա Զոհրաբյանը` մեկնաբանելով Օբամայի ամենամյա ուղերձն ԱՄՆ-ի հայ համայնքին:
«Նա ԱՄՆ-ի առաջին նախագահը չէ, որ սկզբից խոստանում է, ապա իր խոսքը չի կատարում: Այո, նա շատ գեղեցիկ է ամեն ինչ նկարգրել, ցավակցություններ հնչեցրել, սկսեց խոսել բարձր ոլորտներից, բայց խոսքը չի կատարել` Ցեղասպանությունը «ցեղասպանություն» չի անվանել», - ասաց Զոհրաբյանը:
«Հնարավոր է` ԱՄՆ-ի նախագահի հաջորդ ընտրությունների ժամանակ համայնքն իր ձայները կտա այն թեկնածուին, ով կխոստանա փաստերը կոչել իր անուններով եւ ճանաչել XX դարի առաջին ցեղասպանությունը որպես «ցեղասպանություն»: Սակայն այստեղ կա մեկ կարեւոր պահ։ Կարտասանի՞ Օբաման կամ նրա փոխարինողը «ցեղասպանություն» բառը, թե՝ ոչ, դա չպետք է գերխնդիր դառնա: Այսօր թիվ մեկ նպատակն է Հայոց ցեղասպանության միջազգային ճանաչումը, եւ ԱՄՆ-ի նախագահի ճառերը չպիտի պատճառ դառնան, որ Հայաստանը, հայկական սփյուռքը վհատվի», - նշեց պատգամավորը:
Զոհրաբյանի խոսքով՝ պետք է նույն ոգով եւ համառությամբ հասնել Հայոց ցեղասպանության միջազգային ճանաչմանը, ձգտել նրան, որ Թուրքիան ճանաչի կատարված ոճիրը:
«Առավել եւս, որ թուրք մտավորաանության մի որոշակի շերտ արդեն հասունացել է նրա համար, որ նորովի նայի այդ հարցին: Դա արդեն արդյունք է, պատք է վստհահաբար շարժվել այդ ուղղությամբ», - եզրափակեց Զոհրաբյանը:
Ինչպես հաղորդել է NEWS.am-ը, ԱՄՆ-ի նախագահ Բարաք Օբաման, հանդես գալով ԱՄՆ-ի հայ համայնքին ամենամյա ուղերձով, կրկին չկատարեց նախընտրական խոստումը եւ չօգտագորեց «ցեղասպանություն» բառը` խոսելով Օսմանյան Թուրքիայում 1915-23 թթ. իրադարձությունների մասին:
