«System of a Down» ռոք խմբի ղեկավար, հայտնի ռոք երգիչ Սերժ Թանգյանը ներկայացրել է իր նոր ալբոմից «Figure It Out» սինգլի տեսանյութը: Նոր` «Խարակիրի» ալբոմից այդ սինգլի թողարկումը նախատեսված է մայիսի 1 –ին, իսկ ալբոմը, ինչպես ավելի վաղ հայտնել էր Թանգյանը, կթողարկվի ամռանը:
«Այդ ալբոմը տարբերվում է այն ամենից, ինչ նախկինում ես արել եմ որպես մենակատար: Դրանում ավելի շատ շարժում կա, ինչպես նաեւ` 80-ականների էկելտորնային եւ գոթական տարրեր` սկսած դինամիկ ծանր ռոքից մինչեւ մեղեդային երգեր»,-հայտարարել էր Թանգյանը:
Հիշեցնենք, որ Թանգյանի առաջին սոլո ալբոմը` «Elect the Dead »-ը թողարկվել էր 2007 թ-ին, որին հաջորդել էր «Imperfect Harmonies»-ը` 2010թ-ին: