Հայաստանում խորհրդարանական ընտրություններին դիտորդական առաքելություն կիրականացնի 53 կազմակերպության՝ շուրջ 30 հազար դիտորդ։ Այս մասին ապրիլի 28-ին կայացած ասուլիսում տեղեկացրեց Հայաստանի կենտրոնական ընտրական հանձնաժողովի նախագահ Տիգրան Մուկուչյանը՝ ավելացնելով որ նրանցից յուրաքանչյուրը վերապատրաստվել է, ստուգարք է հանձնել։ «Տեսնում եք չէ՞, ինչ մեծածավալ աշխատանք է տարվել, բացի սրանից, երբեւէ այսքան տեղեկատվական ձեռնարկ եւ տեսահոլովակ չի պատրաստվել», - նշեց Մուկուչյանը:
Հիշեցնենք, որ խորհրդարանական ընտրությունները Հայաստանում կայանալու են մայիսի 6-ին: