Թուրքիայի խորհրդարանի ընդդիմադիր խմբակցությունները դատապարտել են իշխող Արդարության եւ զարգացման կուսակցության վարած քաղաքականությունը Սիրիայի նկատմամբ` Ռեջեբ Թայիփ Էրդողանի գլխավորությամբ, հաղորդում է «ՍԱՆԱ » լրատվական գործակալությունը:
Թուրքիայի ընդդիմադիր Ժողովրդա-հանրապետական կուսակցության ղեկավարության անդամ Օսման Քորություրքը խորհրդարանի նիստում Էրդողանի կառավարությանը մեղադրել է այն բանում, որ բացահայտ պատերազմ է մղում Սիրիայի` իր ամենամոտ բարեկամ երկրի դեմ:
Նա նշել է, որ ԱՄՆ-ի եւ այլ արեւմտյան երկրների աջակցությամբ Էրդողանի կառավարությունը պատրաստվում է Սիրիայում ռազմական միջամտության, ինչն ինքնըստինքյան աղետ կդառնա թուրք ժողովրդի համար, քանի որ նման խելահեղ արկածախնդրությունը հակասում է նրա շահերին եւ կծառայի արաբական աշխարհում Թուրքիայի մեկուսացմանը:
Իր կողմից «Ազգայնական շարժում» խորհրդարանական կուսակցության նախագահ Մեհմեդ Չենդերը հայտարարել է, որ թուրքական արտաքին քաղաքականությունը ղեկավարում են արեւմտյան շրջանակները` ԱՄՆ-ի գլխավորությամբ:
