Ամերիկացիները որոշել են վավերագրական ֆիլմ նկարել Կիեւի Դինամոյի լեգենդար «մահվան խաղի» մասին: Այդ մասին հայտնել է ESPN ամերիկյան ալիքի նախագծի պրոդյուսեր Դեվննի Արրուդան: Կիեւի« Դինամոն» խաղացել էր նացիստների դեմ Երկրորդ աշխարհամարտի ժամանակ օկուպացված Կիեւում: Ռուսական «Խաղ» ֆիլմը սկանդալ էր հարուցել Կիեւում:
«Մարդկանց մեծամասնությունը, որոնց հետ ես շփվել եմ, վրդովվել կամ տխրել էին այդ ֆիլմից, քանի որ այն անարդար էր»,- ասել է պրոդյուսերը:
Ամերիկյան ֆիլմի նկարահանումներին նախորդել է պատմական փաստաթղթերի հետ մանրազննին աշխատանքը: «Մենք գիտենք, որ խաղը կայացել է, եւ կան պատմական հաստատումներ: Բայց այն, ինչ չգիտենք, մարդկանց պատմած լեգենդն է, թե իբր ֆուտբոլիստներին գնդակահարել են նացիստներին հաղթելուց հետո, դա կեղծիք է»,- ասել է նա:
Ինչպես հաղորդում է ՈՒՆԻԱՆ-ը, «Խաղ» ֆիլմը թողարկվել էր մեծ սկանդալով: Դժգոհների հարձակումը հետ էին մղել «Բերկուտի» զինյալները: Ցուցարարները վստահ էին, որ ֆիլմը նվաստացնում է ուկրաինացիների արժանապատվությունը:
Անդրեյ Մալյուկովի ֆիլմում նկարվել էին Սերգեյ Բեզրուկովն ու Ելիզավետա Բոյարսկայան: Ուկրաինացի պոլիցայները կրում էին ներկայիս դրոշի գույներով թեւկապներ, իսկ դավաճանները խոսում էին բացառապես ուկրաիներեն:
