Nokia ընկերությունը բանակցություննե է վարում իր դուստ ձեռնարկության` Vertu-ի վաճառքի շուրջ, իսկ գնորդի դերում հանդես է գալիս Permira մասնավոր ներդրումային խումբը: Այս մասին հաղորդում է Financial Times-ը:
Nokia-ն, որի վարկային ռեյտինգը վերջերս նվազեցվել էր Standard & Poor`s գործակալության կողմից, այդ գործարքից կարող է ստանալ 200 մլն եվրո:
Բանակցություններին մոտ կանգնած անանուն աղբյուրների տվյալներով, գործարքը կազմակերպում է Goldman Sachs-ը, սակայն բանակցությունների արդյունքը դեռ պարզ չէ:
Հաղորդվում է նաեւ, որ ավելի վաղ գործարքի բանակցությունները վարում էր մեկ այլ մոտենցիալ գնորդ` EQT եվրոպական ներդրումային խումբը, սակայն հիմա դրանք դադարեցվել են, գրում է IXBT.com-ը:
Առաջին անգամ Vertu-ի վաճառքի մասին տեղեկությունը հաղորդվել է 2011 թվականի դեկտեմբերին:
Vertu ընկերությունը մասնագիտացած է բարձր գին ունեցող բջջային հեռախոսների թողարկման ոլորտում: Այս հեռախոսները ստեղծելիս օգտագործվում են թանկարժեք քարեր ու մետաղներ: Vertu-ի կենտրոնական գրասենյակը գտնվում է Մեծ Բրիտանիայում: