Սպիտակ տան թղթակիցների ասցիացիայի կողմից, ապրիլի 28-ին կազմակերպված ավանդական ընթրիքից առաջ Քիմ Քարդաշյանը պատմել է իր քաղաքական հայացքների մասին:
Հեռուստաստղը հայտարարել է, թե ինքը դեմոկրատ է, իսկ ծնողները` հանրապետականներ: «Մեր տանը թունդ բանավեճ է սկսվում, երբ խոսքը գնում է քաղաքականության մասին»,-ավելացրել է նա:
Քարդաշյանը «politico.com» կայքի թղթակցի հետ զրույցում մեկնաբանել է նաեւ Գլենդելի քաղաքապետի պաշտոնում առաջադրվելու իր մտադրությունը: Հարցին, թե որքանով պետք է լուրջ ընդունել այդ հայտարարությունը, Քարդաշյանը պատասխանել է. «Ես միշտ իմ առջեւ բարձր նպատակներ եմ դնում: Սպասեք նորությունների: Ես մտածում եմ այդ մասին»:
Քիմը եւս մեկ անգամ հայտարարել է, թե ինքն անտարբեր չէ հայ համայնքի ճակատագրի նկատմամբ, որոնց մեծ մասը բնակվում է Գլենդելում:
Հիշեցնենք, որ «Քլոե եւ Լամար» հեռուստաշոուի դրվագներից մեկում Քիմը խոստովանել էր, թե հինգ տարի անց ցանկանում է առաջադրվել Գլենդելի քաղաքապետի պաշտոնում:
