«Հանրապետություն» կուսակցության առաջնորդ Արամ Սարգսյանը հաստատել է, որ Փաստահավաք խմբի նախկին ներկայացուցիչ Անդրանիկ Քոչարյանի եւ ԱԳՆ ՆԱՏՕ-ի բաժնի վարչության նախկին պետ Մարթա Այվազյանի հետ գործնական այցով Բրյուսել են մեկնել:
«Արամ Սարգսյանը «Ժամանակին» տեղեկացրեց, որ իրենք տպավորիչ հանդիպումներ են ունեցել ՆԱՏՕ-ի բարձրաստիճան պաշտոնյաների հետ, նաեւ ՆԱՏՕ-ի Ինտեգրման, գործընկերության եւ համագործակցության տնօրինության, քաղաքական հարցերի եւ անվտանգության քաղաքականության ստորաբաժանման Վրաստանի հարցերով պատասխանատուի հետ: Հանդիպել են նաեւ եվրոպացի պաշտոնյաների հետ: «Ժամանակին» հարցերին, թե ի՞նչ նպատակով է կազմակերպվել բրյուսելյան այցը, ի՞նչ արդյունքներ կան եւ ինչպիսի՞ ծրագրեր ունի ապագայի համար` Արամ Սարգսյանը խոստացավ անդրադառնալ Ազգային ժողովի ընտրություններից անմիջապես հետո»,- գրում է «Ժամանակ» թերթը:
